Bihar election result 2020 ब्रेकिंग न्यूज – तब्बल 18 तासांनी बिहार निवडणुकीचा निकाल जाहीर, भाजपाप्रणित एनडीएला स्पष्ट बहूमत तर तेजस्वी यादवांचा राजद ठरला सर्वात मोठा पक्ष!

Bihar election result 2020 ब्रेकिंग न्यूज – तब्बल 18 तासांनी बिहार निवडणुकीचा निकाल जाहीर, भाजपाप्रणित एनडीएला स्पष्ट बहूमत तर तेजस्वी यादवांचा राजद ठरला सर्वात मोठा पक्ष!

बिहार – बिहार निवडणुकीचा निकाल अखेर हाती आला आहे. या निवडणुकीत भाजपाप्रणित राष्ट्रीय लोकशाही आघाडीने (NDA) स्पष्ट बहुमत मिळवलं आहे. सर्व 243 जागांचे निकाल हाती आले असून NDA ने 125 जागा मिळवल्या आहेत. या 125 जागांमध्ये 74 जागा भाजपाने, 43 जागा जदयूने तर मित्र पक्षांनी 8 जागांवर विजय मिळवला आहे. त्यामुळे नितीश कुमार हेच बिहारचे मुख्यमंत्री होतील हे पुन्हा एकदा स्पष्ट झालं आहे.तर दुसरीकडे महाआघाडीने 110 जागा मिळवल्या आहेत. यामध्ये सर्वात जास्त म्हणजेच 75 जागा तेजस्वी यादव यांच्या राजदला मिळाल्या आहेत. त्यामुळे राजद हा सर्वात मोठा पक्ष ठरला आहे. तर महाआघाडीतल्या काँग्रेसला 19 जागांवर, डाव्यांना 16 जागांवर विजय मिळाला आहे. तर एमआयएमला पाच जागा, बसपा, लोजपा आणि अपक्ष यांना प्रत्येकी एका जागेवर विजय मिळवता आला आहे.

एकूण जागा – 243

एनडीए – 125

महागठबंधन – 110

इतर – 08

———

महागठबंधन

आरजेडी – 75

काँग्रेस – 19

इतर – 16

एनडीए

जेडीयू – 43

भाजप – 74

इतर – 08

बिहार विधानसभा निवडणुकीच्या निकालाबाबत पंतप्रधान मोदींनी बिहारच्या जनतेला शुभेच्छा दिल्या आहेत. ट्विटद्वारे त्यांनी बिहारच्या जनतेचे आभार मानले आहेत.

तर अमित शहा यांनी ट्विटद्वारे विरोधी पक्षांवर निशाणा साधला आहे.पोकळ राजकारण, जातीवाद आणि तुष्टीकरणाच्या राजकारणाला नकार देऊन बिहारच्या लोकांनी एनडीएचा विकासवाद निवडला असल्याचं त्यांनी ट्वीटमध्ये म्हटलं आहे.

दरम्यान या निकालावरुन एक्झिट पोल खोटे ठरले आहेत. सुरुवातीला स्पष्ट राजदकडे आणि नंतर बराच काळ भाजपकडे झुकलेल्या या निवडणुकीचं चित्र पूर्णपणे बदललं आहे.
एक्झिट पोल्सच्या आकडेवारीनुसार बिहारमध्ये महागठबंधनचा दणदणीत विजय होऊन तेजस्वी यादव मुख्यमंत्रिपदी विराजमान होतील, असा अंदाज वर्तविण्यात आला होता. परंतु एनडीएनं स्पष्ट बहूमत मिळवल्यामुळे तेजस्वी यादव याचं मुख्यमंत्रीपदाचं स्वप्न भंगलं असल्याचं दिसत आहे.

एक्झिट पोल्स

सर्व पोलचा एकत्रित अंदाज

एकूण जागा – 243

आरजेडी – काँग्रेस – 122

भाजप – जेडीयू – 112

इतर –    09

रिपब्लिकचा अंदाज

एकूण जागा – 243 जागा

आरजेडी – काँग्रेस – 91 ते 117

बीजेपी – जेडीयू -118 ते 138

इतर          – 5 ते 12

 

टीव्ही 9 चा अंदाज –

एकूण जागा – 243 जागा

आरजेडी – काँग्रेस – 115 ते 125

बीजेपी – जेडीयू – 110 ते 120

इतर          – 15 ते 20

C Voter चा अंदाज

एकूण जागा – 243

आरजेडी-काँग्रेस – 120

बीजेपी-जेडीयू – 116

इतर – 07

मागील निवडणुकीत म्हणजे 2015 मध्ये झालेल्या विधानसभा निवडणुकीत राष्ट्रीय जनता दल आणि जनता दल युनायटेड यांनी एकत्र निवडणूक लढवली होती. त्यावेळी राजद-जदयू महागठबंधनला 178 जागा मिळाल्या होत्या. राजदला 80, जनता दल युनायटेडला 71 आणि काँग्रेस पक्षाला 27 जागा मिळाल्या होत्या. तर उर्वरीत 58 जागा भाजप प्रणित एनडीएच्या वाट्याला आल्या होत्या.

COMMENTS