‘ही’ अत्यंत समाधानाची बाब, मराठा आरक्षण उपसमितीचे अध्यक्ष अशोक चव्हाण यांची प्रतिक्रिया !

‘ही’ अत्यंत समाधानाची बाब, मराठा आरक्षण उपसमितीचे अध्यक्ष अशोक चव्हाण यांची प्रतिक्रिया !

मुंबई – पदव्युत्तर वैद्यकीय अभ्यासक्रमाच्या प्रवेशप्रक्रियेतील मराठा आरक्षणाला स्थगिती देण्यास सर्वोच्च न्यायालयाने आज नकार दिला, ही अत्यंत समाधानाची बाब आहे. आरक्षणाला विरोध करणाऱ्यांनी वारंवार अंतरिम स्थगिती देण्याची मागणी केली. परंतु, राज्य शासनाच्या वकिलांनी चांगली बाजू मांडली व विद्यार्थ्यांना दिलासा मिळवून दिला, याचा आनंद असल्याची प्रतिक्रिया मराठा आरक्षण उपसमितीचे अध्यक्ष अशोक चव्हाण यांनी दिली आहे.

मराठा आरक्षणाच्या मूळ याचिकेवर २७ जुलैपासून नियमित सुनावणी करण्याचा निर्णय सर्वोच्च न्यायालयाने घेतला आहे. या सुनावणीत राज्य शासन भक्कमपणे बाजू मांडेल. शासनाच्यावतीने मुकूल रोहतगी व परमजितसिंग पटवालिया युक्तीवाद करणार असून, प्रख्यात वकिल कपिल सिब्बल व रफिक दादा हे मराठा आरक्षणाच्या बाजूने हस्तक्षेप याचिकाकर्त्यांच्या वतीने बाजू मांडणार असल्याचंही चव्हाण यांनी म्हटलं आहे.

COMMENTS