छत्तीसगढ विधानसभा निवडणुकीबाबत मायावतींची मोठी घोषणा, ‘या’ पक्षासोबत करणार युती !

छत्तीसगढ विधानसभा निवडणुकीबाबत मायावतींची मोठी घोषणा, ‘या’ पक्षासोबत करणार युती !

नवी दिल्ली – छत्तीसगढमधील आगामी विधानसभा निवडणुकीबाबत बसपाच्या अध्यक्ष मायावतींनी मोठी घोषणा केली आहे. मायावतींच्या बहूजन समाज पार्टीनं जनता काँग्रेससोबत युती करण्याचा निर्णय घेतला आहे. या निवडणुकीत बहूजन समाज पार्टी 35 जागा लढवणार आहे. तर जनता काँग्रेस पार्टी 55 जागांवर निवडणूक लढवणार असल्याची माहिती मायावतींनी दिली आहे.

दरम्यान या निवडणुकीमध्ये आम्हीच जिंकणार असल्याचा विश्वास मायावती यांनी व्यक्त केला आहे. तसेच भाजपला हरवण्यासाठी आम्ही इतरही छोट्या पक्षांना सोबत घेणार असल्याचं मायावतींनी म्हटलं आहे. याबाबत आज अजित जोगी आणि मायावतींनी संयुक्त पत्रकार परिषद घेऊन ही घोषणा केली आहे. तसेच या निवडणुकीमध्ये आमचा विजय झाला तर अजित जोगी यांना मुख्यमंत्रीपद दिलं जाणार असल्याची घोषणाही यावेळी मायावती यांनी केली आहे.

COMMENTS