बावडा-लाखेवाडी जिल्हा परिषदेत काँग्रेसची बाजी, अंकिता पाटील विजयी!

बावडा-लाखेवाडी जिल्हा परिषदेत काँग्रेसची बाजी, अंकिता पाटील विजयी!

इंदापूर – बावडा-लाखेवाडी जिल्हा परिषद पोटनिवडणुकीत का‌ँग्रेसच्या अंकिता पाटील बहुमताने विजयी झाल्या आहेत.अंकिता पाटील माजी मंत्री हर्षवर्धन पाटील यांच्या कन्या आहेत.17274 (सतरा हजार दोनशे चौर्याहत्तर) मतांनी अंकिता पाटील विजयी झाल्या आहेत. हर्षवर्धन पाटील यांच्या मातोश्री रत्नप्रभादेवी पाटील यांच्या मृत्यूनंतर रिक्त झालेल्या या जिल्हा परिषद सदस्यपदाच्या जागेवर 23 जून रोजी पोटनिवडणूक घेण्यात आली होती.

दरम्यान या पोटनिवडणुकीत अंकिता पाटील यांना राष्ट्रवादीने पाठिंबा दिला होता. त्यामुळे याठिकाणी त्यांना दणदणीत विजय मिळाला आहे. अंकिता पाटील यांनी नुकताच सक्रिय राजकारणात प्रवेश केला होता. इंदापूर तालुक्यातील बावडा-लाखेवाडी जिल्हा परिषद पोटनिवडणुकीसाठी काँग्रेसकडून त्यांना उमेदवारी देण्यात आली होती. पहिल्या एन्ट्रीतच त्यांनी विजय मिळवला आहे.

COMMENTS