उद्धव ठाकरे आजपासून पश्चिम महाराष्ट्राच्या दौऱ्यावर

मुंबई –  शिवसेना पक्षप्रमुख उद्धव ठाकरे हे आजपासून तीन दिवस पश्चिम महाराष्ट्राच्या दौऱ्यावर आहेत. कोल्हापूर, सांगली आणि सातारा अशा या दौऱ्यात उद्धव ठाकरे यांच्या जाहीर सभा, शेतकरी, व्यापारी तसेच कामगारांशी संवाद, पत्रकार परिषदा असा भरगच्च कार्यक्रम आखण्यात आलाय. आज सर्वप्रथम चंदगड तालुक्यातील शिनोळी येथे शेतकऱयांशी संवाद साधतील. त्यानंतर दिवसभरात विविध कार्यक्रमांप्रमाणेच उद्धव ठाकरे यांच्या तीन जाहीर सभा होणार आहेत.

आगामी लोकसभा आणि विधानसभा निवडणुकांच्या तयारीच्या दृष्टीनं उध्दव ठाकरे यांचा हा दौरा राजकीयदृष्ट्या महत्वाचा मानला जातोय. त्यांच्या या दौऱ्यानिमित्त स्थानिक पक्षसंघटनही यंत्रणाही सज्ज झालीय.