शरद पवारांचं मुख्यमंत्री देवेंद्र फडणवीस यांना पत्र !

दरम्यान शरद पवार दोन दिवसापूर्वी कामोठे येथे एका कार्यक्रमासाठी गेले होते. त्यावेळी हे गंभीर गुन्हे मागे घेण्याची विनंती मराठा समाजाच्या वतीने त्यांना करण्यात आली. या विनंतीवरुन शरद पवारांनी मुख्यमंत्र्यांना पत्र लिहून हे गुन्हे मागे घेण्याची विनंती केली आहे.

कळंबोली आणि कामोठे येथील आंदोलनादरम्यान पोलिसांवर दगडफेक झाली होती. यादरम्यान पोलिसांची  वाहनेही पेटवून देण्यात आली होती. या हल्ल्यानंतर काही आंदोलकांवर पोलिसांनी जीवे मारण्याचा प्रयत्न, सरकारी कामात अडथळा यासह दंगलीचे गंभीर गुन्हे दाखल केले आहेत. हे गुन्हे मागे घेण्याची मागणी पवारांनी केली आहे.