“राहुल गांधी लवकरच काँग्रेसच्या अध्यक्षपदी”

काँग्रेसचे अध्यक्षपद लवकरच राहुल गांधी यांच्याकडे येणार आहे. याचा खुलास खुद्द काँग्रेस अध्यक्ष सोनिया गांधी यांनी केला आहे. ‘राहुल लवकरच पक्षाच्या अध्यक्षपदाची सूत्रे हाती घेतील,’  अशी घोषणा सोनिया गांधी यांनी एनडीटीव्ही या वृत्तसमूहाला दिलेल्या मुलाखतीत केली आहे.

गेल्या काही दिवसांत काँग्रेसच्या विविध राज्यांतील कार्यकारिणींकडून राहुल यांना पक्षाध्यक्ष करावे, असे ठराव करण्यात आले होते. त्यात राजस्थान, पंजाब, महाराष्ट्रातील कार्यकारिणीतूनही राहुल यांनाच अध्यक्ष करावे, असे ठराव करण्यात आले होते. काँग्रेसच्या राष्ट्रीय कार्यकारिणीत दिवाळीनंतर राहुल यांच्या अध्यक्षपदावर शिक्कमोर्तब होईल, असे एनडीटीव्हीने सूत्रांच्या हवाल्याने म्हटले आहे.