विजय भाजपचा, ढोल ‘सामना’चे !

मुंबई – गुजरात आणि हिमाचल प्रदेशमध्ये झालेल्या विजयानंतर मुंबईत भाजपा कार्यकर्त्यांनी एकच जल्लोष केला आहे. याचबरोबर या जल्लोषात भाजपच्या कार्यकर्त्यांनी वाजवण्यासाठी अनोखे ढोल आणले होते. गुजरात निवडणुकीनंतर सामनामध्ये शिवसेनेनं केलेल्या टिकेला उत्तर देण्यासाठी भाजपनं ‘सामना’चे ढोल वाजवले आहेत.

शिवसेनेचे मुखपत्र असलेल्या ‘सामना’तून गुजरात निवडणुकीच्या पार्श्वभूमीवर भाजपवर जोरदार टीका केली होती. एवढच नाही तर भाजपच्या विरोधात शिवसेनेनं गुजरातमध्ये आपले उमेदवारही उभा केले होते. परंतु निवडणूक निकालानंतर शिवसेनेला एकाही जागेवर यश न मिळाल्यामुळे आणि भाजपला एकहाती सत्ता मिळाल्यामुळे भाजपच्या कार्यकर्त्यांनी मुंबईतील भाजप कार्यालयासमोर आनंदोत्सव साजरा केला. या आनंदोत्सवात वाजण्यात आलेल्या प्रत्येक ढोलवर ‘सामना’ हे नाव टाकून शिवसेनेचा वचपा काढण्याचा प्रयत्न केला. यावरुन भाजपच्या विजयात ‘सामना’चे ढोल वाजले असल्याचं दिसत आहे.