राहुल गांधी यांचेही अभिनंदन करा –अजित पवार

गुजरात – गुजरात व हिमाचल प्रदेशच्या विधानसभा निवडणुकीत भाजपनं बाजी मारल्यानं पंतप्रधान नरेंद्र मोदी यांचं सगळीकडून कौतुक केलं जात आहे. जिकडेतिकडे मोदींची लाट पहायला मिळत आहे. भाजपच्या या विजयाबद्दल पंतप्रधान नरेंद्र मोदींचे अभिनंदन करायला हवं असं वक्तव्य भाजपचे प्रतोद राज पुरोहित यांनी केलं आहे. त्याचबरोबर राज पुरोहित यांना उत्तर देताना तुम्ही जर पंतप्रधान नरेंद्र मोदींचे अभिनंदन करत असाल तर काँग्रेसचे अध्यक्ष राहुल गांधी यांचेही अभिनंदन करायला हवं अशी मागणी राष्ट्रवादीचे नेते अजित पवार यांनी केली आहे.

दरम्यान हिमाचल प्रदेशमध्ये भाजपनं काँग्रेसच्या हातातून सत्ता हिसकावून घेतली आहे. तर गुजरातमध्ये गड कायम ठेवण्यात भाजपला यश आलं आहे. त्यामुळे आता पंतप्रधान नरेंद्र मोदींचं कौतुक केलं जात आहे परंतु याच कौतुकाबरोबर काँग्रेनंही गुजरातमध्ये भाजपला चांगलीच टक्कर दिली आहे. त्यामुळे तुम्ही पंतप्रधान नरेंद्र मोदींचं अभिनंदन करत असाल तर राहुल गांधी यांचंही अभिनंदन केलं पाहिजे असं अजित पवार म्हणाले आहेत.