मुंबई – विरोधीपक्ष नेते देवेंद्र फडणवीस यांनी राष्ट्रवादीकडूनच सत्ता स्थापनेची ऑफर होती असा खुलासा केल्यानंतर आता राष्ट्रवादीत हालचालींना वेग आला आहे. राष्ट्रवादीचे नेते अजित पवार हे शरद पवार यांची भेट घेण्यासाठी सिल्व्हर ओक बंगल्यावर गेले आहेत. त्यामुळे या भेटीत काय चर्चा होणार याकडे लत्र लागलं आहे.
काय म्हणाले होते फडणवीस?
आम्हाला थेट राष्ट्रवादीची ऑफर होती. थेट राष्ट्रवादी म्हणजे उपमुख्यमंत्री अजित पवार नाही. थेट राष्ट्रवादीची ऑफर होती. याबाबत योग्य त्या चर्चाही झाल्या होत्या. त्यातील एका चर्चेत मी होतो. एका चर्चेत मी नव्हतो. अनेक लोकं आता पुस्तक लिहितात. खरं पुस्तक मी लिहिणार आहे. कधी लिहायचं ते ठरवलं आहे. मग जेवढे पुस्तक लिहितात, त्यांची पुस्तक कशी गृहित धरुन लिहिलेली आहेत. हे त्यावेळी लक्षात येईल. कारण सर्व घटनाक्रम माझ्या डोक्यात आहे. असं फडणवीस म्हणाले होते.
आज जेव्हा मी मागे वळून पाहतो तेव्हा त्यांच्यासोबत नसतं गेलं तरी चाललं असतं असं वाटतं. पण त्याक्षणी वाटलं नाही. कारण ज्यावेळी तुमच्याशी सर्व धोका करतात. तुमच्या पाठीत सर्व जण खंजीर खुपसतात त्यावेळी राजकारणात जगावं लागतं. राजकारणात मरुन चालत नाही.
मग अशा परिस्थितीत या महाराष्ट्राचा इतिहास आहे की कधीतरी गनिमी कावा करावा लागतो, त्यामुळे तो निर्णय चुकीचा होता हे चार वेळा मी कबूल केलं असल्याचं फडणवीस म्हणाले होते.
COMMENTS