पालघरमध्ये भाजपची विजयाकडे कूच, भंडारा गोंदियात राष्ट्रवादी आघाडीवर, उत्तर प्रदेशात भाजपची मोठी पिछेहाट !

देशभरातील चार लोकसभा आणि विधानसभेच्या 10 जागांसाठी मतमोजणी सुरू झाली आहे. पालघरमध्ये दहाव्या फेरीअखेर भाजपचे राजेंद्र गावित यांना आघाडीवर आहेत. दहाव्या फेरीत गावित यांना 145751, बविआचे बळीराम जाधव यांना 105884 तर शिवसेनेचे श्रीनिवास वनगा यांना 125742 मते मिळाली आहेत. काँग्रेसचे शिंगडा यांना 27079 आणि कम्युनिस्टांना 48903 मते मिळाली आहेत. भंडारा गोंदिया लोकसभा मतदारसंघात तिस-या फेरीअखेर राष्ट्रवादीचे मुधुकर कुकडे सुमारे यांना 51219 मते मिळाली आहेत. तर भाजपचे हेमंत पटले यांना 48382 मते मिळाली आहेत. कुकडे सुमारे अडीच हजार मतांनी आघाडीवर आहेत.

तर उत्तर प्रदेशातील कैरानामध्ये राष्ट्रीय लोक दलाचे हुसेन  या तब्बल 55 हजार मतांनी आघाडीवर आहेत. हुसेन यांना सपा, बसपा आणि काँग्रेस या पक्षांचा पाठिंबा आहे. भाजपचे खासदार हुकुमसिंग यांच्या निधनामुळे या ठिकाणी मतदान होत आहे. लोकसभेच्या चार जांगावरील पोटनिवडणुकीची मतमोजणी सुरू झाली आहे. या चारही जागा यापूर्वी भाजपकडे होत्या. त्यामुळे त्या सर्व जागा राखण्याचं मोठं आव्हान भाजपपुढे आहे. महाराष्ट्रातील भंडारा गोंदिया आणि पालघर, उत्तर प्रदेशातील कैराना आणि नागालँडमधील एक जागेचा या मध्ये समावेश आहे. गेल्या चार वर्षात झालेल्या पोटनिवडणुकीमध्ये भाजपचा मोठा पराभव झाला आहे. त्यामुळे 2014 मध्ये भाजपकडे असलेल्या 282 खासदारांची संख्या 272 वर आली आहे.