भंडारा – येथील जिल्हा सामान्य रुग्णालयात लागलेल्या आगीत दहा नवजात बालकांचा मृत्यू झाला होता. बालकांच्या मृत्यूबद्दल राज्यपाल भगतसिंह कोश्यारी हळहळ व्यक्त केली. “जिल्हा सामान्य रुग्णालयाला लागलेल्या आगीत दहा बालकांचा झालेला मृत्यू अत्यंत क्लेशदायक आहे. अशा प्रकारच्या घटना भविष्यात घडू नये यासाठी खबरदारीच्या उपाययोजना तात्काळ लागू कराव्यात,” असे निर्देश दिली.
राज्यपाल भगतसिंग कोश्यारी यांनी आज जिल्हा सामान्य रुग्णालयाला भेट दिली. तसेच वरिष्ठ अधिकाऱ्यांकडून घडलेल्या घटनेसंदर्भात माहिती घेतली. यावेळी विधानसभेचे अध्यक्ष नाना पटोले, खासदार सुनिल मेंढे, आमदार परिणय फुके, नरेंद्र भोंडेकर, राजु कारेमोरे, जिल्हाधिकारी संदीप कदम, जिल्हा पोलीस अधिक्षक वसंत जाधव आदी उपस्थित होते.
जिल्हा सामान्य रुणालयात लागलेल्या आगीत दहा बालकांचा मृत्यु झाला होता. तसेच सात बालकांना सुरक्षितपणे वाचविण्यात आले. वाचलेल्या बालकांच्या कक्षाला राज्यपाल कोश्यारी यांनी भेट देवून शिशूंच्या मातांसोबत संवाद साधून त्यांच्या प्रकृतीची आस्थेवाईकपणे चौकशी केली. बालक व मातांची योग्य काळजी घेण्याची सूचना यावेळी त्यांनी वैद्यकीय अधिकाऱ्यांना केली. त्यानंतर दुर्घटनाग्रस्त आयसीयू कक्षाला भेट दिली. ही पाहणी केल्यानंतर कोश्यारी यांनी या घटनेत मृत पावलेल्या प्रत्येक बालकांच्या कुटुंबियांना स्वेच्छानिधीतून दोन लाख रुपये मदत देण्यासंदर्भात सूचना दिल्या.
राज्यपाल भगतसिंह कोश्यारी यांनी आज भंडारा येथील जिल्हा सामान्य रुग्णालयाला भेट देऊन अधिकाऱ्यांकडून नुकत्याच झालेल्या आगीच्या दुर्घटनेची माहिती घेतली. भविष्यात अश्या दुर्घटना घडू नये या दृष्टीने उपाययोजना करण्याच्या सूचना राज्यपालांनी यावेळी दिल्या. pic.twitter.com/BIdTe331LN
— Governor of Maharashtra (@maha_governor) January 13, 2021
COMMENTS