“तेहरीक ए इन्साफचा इम्रान खान होमोसेक्शुअल !”

नवी दिल्ली – पाकिस्तानचा माजी क्रिकेटर आणि सध्याचा राजकारणी असलेला इम्रान खान हा होमोसेक्शुअल असल्याचा आरोप त्याच्या घटोस्फोटीत पत्नीनं केला आहे. इम्रान खाननं क्रिकेटनंतर राजकारणात प्रवेश केला असून त्याने तेहरीक ए इन्साफ हा राजकीय पक्ष काढला आहे. खेळ आणि राजकीय कारकिर्दीत इम्रान खान अनेक वेळा चर्चेत राहिला आहे. परंतु सध्या त्याच्या घटस्फोटीत पत्नीने केलेल्या आरोपामुळे पाकिस्तानमध्ये खळबळ उडाली आहे. इम्रान खान हा होमोसेक्शुअल आहे, त्याचे तेहरीक-ए-इन्साफच्या पुरुष सदस्यांसोबत संबंध आहेत असा आरोप त्याची घटस्फोटीत पत्नी रेहम खानने केला आहे. त्यामुळे इम्रान खान सध्या वादाच्या भोव-यात सापडला असल्याचं दिसून येत आहे.

दरम्यान रेहम खान यांनी एक पुस्तक लिहिले असून या पुस्तकाचे प्रकाशन अजून बाकी आहे. मात्र या पुस्तकात हे सगळे उल्लेख करण्यात आले आहेत. यामध्ये त्यांनी माझे आणि इम्रान खान यांचे सेक्स रिलेशन कधीही चांगले नव्हते असंही म्हटलं असल्याची माहिती आहे. रेहम खान यांनी तहरीक ए- इन्साफच्या पुरुष सदस्यांसोबत इम्रान खानचे संबंध असल्याचेही म्हटले आहे.

दरम्यान रेहमने फक्त इम्रान खानच नाही तर वसिम अक्रमवरही गंभीर आरोप केले आहेत. वसिम अक्रमने त्याच्या सेक्ससंदर्भातल्या कल्पना प्रत्यक्षात आणण्यासाठी त्याच्या पत्नीला दुसऱ्या व्यक्तीसोबत सेक्स करण्यासाठी भाग पाडले होते. रेहम यांनी पुस्तकात हाही उल्लेख केला आहे की वसिम अक्रम त्याच्या पत्नीला दुसऱ्या व्यक्तीसोबत सेक्स करत असताना पाहात होता. हे सगळे आरोप झाल्यावर वसिम अक्रमने रेहम खानला कायदेशीर नोटीस पाठवली असल्याची माहिती असून इम्रान खानवर झालेल्या आरोपांमुळे त्यांची पहिली पत्नीही चिडली असल्याची माहिती आहे. तसेच हे पुस्तक प्रकाशित झाले तर मी रेहम खानवर गुन्हा दाखल करणार असल्याचं जेमिमा गोल्डस्मिथने म्हटले आहे. त्यामुळे इम्रान खान यांच्यासोबतच रेहम खान यांचं पुस्तक प्रकाशन होण्याआधीच वादाच्या भोव-यात सापडलं असल्याचं दिसत आहे.