पुणे – जिजाबाई शिवाजी महाराजांच्या पत्नी असल्याचा 11 वीच्या पुस्तकात वादग्रस्त उल्लेख करण्यात आला आहे. त्यामुळे संभाजी ब्रिगेडनं आक्रमक पवित्रा घेतला असून पुणे आयुक्त कार्यालयात कांदे-बटाटे घेऊन संभाजी ब्रिगेडच्या कार्यकर्त्यांनी आयुक्तांना जाब विचारला आहे. ११ वी विषयाच्या संस्कृत सारिका या नावाच्या पुस्तकात छत्रपती शिवाजी महाराजांची वंशावळ दाखवण्यात आली आहे. महाराजस्यया वंशावळीत शिवाजी महाराजांच्या आई जिजाबाई यांचा उल्लेख ‘पत्नी’ म्हणून करण्यात आला आहे. त्यामुळे संभाजी ब्रिगेडनं आक्रमक पवित्रा घेतला आहे. संस्कृत सारिका हे वादग्रस्त पुस्तक त्वरित रद्द करुन संबंधित पुस्तकात राष्ट्रमाता जिजाऊंची बदनामी करणाऱ्या सगळ्यांवर सामाजिक तेढ निर्माण केल्याप्रकरणी लेखक, वितरक, प्रकाशक व अभियानाचे प्रमुख यांच्यावर महापुरुषांची बदनामी प्रकरणी राष्ट्रद्रोहाचा गुन्हा दाखल करण्याची मागणी संभाजी ब्रिगेड आणि जिजाऊ ब्रिगेडने केली आहे.
संस्कृत सारिका हे लातूरच्या निकिता पब्लिकेशनचे पुस्तक राजेंद्र शास्त्री (गायकवाड) यांनी लिहिले आहे. त्यांनी शिवाजी महाराजांच्या मातेचा उल्लेख पत्नी म्हणून कसा केला? इतिहासाचा विपर्यास करण्यासाठी हा जाणीवपूर्वक करण्यात आलेला खोडसाळपणा आहे असेही संभाजी ब्रिगेडने म्हटले आहे.
COMMENTS