तीनदा महाराष्ट्र केसरी ठरलेले पैलवान विजय चौधरी यांना अखेर राज्य सरकारने पोलीस उपाधीक्षक (डीव्हायएसपी) पदी नियुक्ती दिली. विजय चौधरी यांना मुख्यमंत्री देवेंद्र फडणवीस यांनी आपल्या हस्ते नियुक्ती पत्र दिले.
राज्य सरकारने चौधरी यांना पोलीस उपाधीक्षक (डीव्हायएसपी) पदी नियुक्ती दिली. विजय चौधरी यांना सरकारी नोकरी देण्याचे आश्वासन मुख्यमंत्री फडणवीस यांनी डिसेंबरमध्ये दिले होते. विधानसभेत विजय चौधरीचे अभिनंदन करताना दिलेले हे आश्वासन मुख्यमंत्र्यांनी 4 महिन्यानंतर पूर्ण केले आहे.
दरम्यान, विजय चौधरींना शासकीय सेवेत सामावून घेण्याच्या सर्व बाबींची पूर्तता डिसेंबरमध्येच झाली होती. त्यामुळे, कुठल्याही शिफारशीशिवाय आठवड्याभरात विजय चौधरींना नोकरी मिळेल, असे मुख्यमंत्री म्हणाले होते. मात्र, अनेक महिने उलटूनही विजय चौधरींना सरकारी नोकरी मिळत नव्हती. मंत्रालयाच्या चकरा मारूनही त्यांच्या पदरी अपयश येत होते. त्याबद्दल त्यांनी खंत सुद्धा व्यक्त केली होती.
COMMENTS