घोडेबाजाराचा आरोप गाढवांनी करु नये – उद्धव ठाकरे

घोडेबाजाराचा आरोप गाढवांनी करु नये, असा सणसणीत टोला शिवसेना पक्षप्रमुख उद्धव ठाकरे यांनी भाजप खासदार किरीट सोमय्या यांना लगावला आहे. शिवसेनेने तीन कोटी रुपये मोजून नगरसेवक विकत घेतल्याचा सनसनाटी आरोप सोमय्यांनी केला होता. ‘एका दिवसात शिवसेना इतकी जमवाजमव करत असेल, तर ताकदीचा अंदाज आलाच असेल. आता फोडाफोडी झाली नाही, आधी झाली होती, जुने सहकारी पुन्हा शिवसेनेत आले आहेत.’ असे  ठाकरें म्हणाले.

‘भाजपा आम्हाला मित्र मानत असेल तर आमच्या आनंदात त्यांनी सामिल व्हावे. इतरांनी केली तर खुद्दारी आणि आम्ही केली तर गद्दारी. कुणाला फटका देण्यासाठी हा निर्णय नाही,  हे सर्व आपल्या स्वगृही परत आले आहे. भाजप आम्हाला मित्रपक्ष मानत असतील, तर भाजपला पोटदुखी कशाला? असा सवाल ही यावेळी उद्धव ठाकरेंनी केला.