मुंबई – राष्ट्रवादी काँग्रेसमध्ये खांदेपालट करण्यात आली असून पक्षाच्या युवती प्रदेशाध्यक्षपदी उस्मानाबादच्या जिल्हा परिषद सदस्या कुमारी सक्षणा सिदराम सलगर यांची निवड करण्यात आली आहे. याबाबतची घोषणा प्रदेशाध्यक्ष जयंत पाटील यांनी केली आहे. त्यामुळे इलेक्ट्रॉनिक इंजिनिअर असलेल्या आणि विद्यमान उस्मानाबाद जिल्हा परिषदेच्या सदस्या असलेल्या सक्षणा सलगर यांची आज युवती प्रदेशाध्यक्षपदी निवड करण्यात आली आहे.
दरम्यान तेर गावातील एका सामान्य कुटुंबातील असलेल्या सक्षणा सलगर यांच्या कामाची दखल घेत खासदार सुप्रिया सुळे यांनी त्यांची २०१६ मध्ये राज्याची स्टार प्रचारक म्हणून निवड केली होती. शिवाय त्या पक्षाच्या प्रवक्त्या म्हणूनही काम करत आहेत. तसेच राष्ट्रवादी काँग्रेस पक्षाच्या युवती संघटनेच्या स्थापनेपासून सक्षणा सलगर या संघटनेमध्ये काम करत आहेत. त्यांच्या कामाची पक्षाने दखल घेतली असून प्रदेशाध्यक्ष जयंत पाटील यांनी त्यांची युवती प्रदेशाध्यक्षपदी नियुक्ती केली आहे.
COMMENTS